武昌起義係推翻清朝嘅辛亥革命嘅第一擊，發生響1911年10月10號晚。革命黨人響黃花崗起義失敗後，一部分革命黨人決定將目標轉到長江流域，準備響以武漢為中心嘅兩湖地區發動一次新嘅武裝起義，最後佢地成功起義，令清朝走向滅亡，中華民國成立。因此中華民國定咗10月10號做國慶，又叫做雙十節。