范徐麗泰，大紫荊勳賢，GBS，JP（Rita FAN HSU Lai-tai，1945年9月20號—），祖籍浙江寧波，係上海出世，香港大學理學士、社會科學碩士，現任香港立法會主席、港區全國人大代表。

簡歷
范徐麗泰係香港立法會嘅獨立議員。佢喺殖民地時代擔任過香港立法局議員、行政局議員、教育統籌委員會">教育統籌委員會主席。佢亦都係當時立法局保安事務委員會主席，以關注越南船民問題著名，但佢係1992年彭定康擔任港督後辭去所有公職。佢曾經係香港政治團體啟聯資源中心（自由黨前身）嘅成員。特區政府成立前，被選為臨時立法會主席，亦被稱為香港江青。1998年、2000年佢經由選舉委員會選為立法會議員，並且兩次打敗黃宏發，連任第一、二屆立法會主席。2004立法會選舉，佢以獨立候選人身分出選港島選區，以65000多票當選。係第三屆立法會主席嘅選舉中遇到民主黨何俊仁嘅挑戰，但仍成功連任。佢嗰仔范駿華擁有馬匹另具一格。2007年7月17日，范徐麗泰宣佈唔會參加2008年立法會選舉。