彩陶文化，又叫做仰韶文化，係喺中國發現嘅新石器時代文化。大概係公元前5000年到公元前2000年，主要響黃河中游。呢個文化最明顯係有好多彩陶，即係陶器上面畫好多彩色花紋，因為咁就叫做彩陶文化。呢個文化重有好多石器同骨器。氏族社會，種嘢食，養家畜。
彩陶文化最先響1921年嘅河南省澠池縣仰韶村發現，所以亦都叫仰韶文化。範圍就有河南、山西、甘肅同埋最多發現嘅陜西，家下已掘到成千處遺址。
有學者認為彩陶文化承繼老官台文化；而黑陶文化承繼彩陶文化。

食
有啲彩陶上面印低布之類織物紋。可以推斷彩陶文化嘅人係識織布。

衣
彩陶文化以農業為主，村有大有小，大村啲屋有一定格局，而挖埋溝圍住條村。村外面有墓有窰。村屋有圓有方，初時圓多，單房，後尾就方多，多房。屋牆係泥做，加草混成，有啲有木架撐。牆外面多數包草燒過，等佢硬淨啲同無咁易浸濕晒。

住
彩陶文化係有墓，墓主亦都陪葬品。

社會
因為彩陶文化咁散，又唔係咁一致，點分都係一個問題。家下考古學家將彩陶文化分做五個時期：

半坡期，約莫公元前4800年到公元前4200年，中原
廟底溝期，約莫公元前4000年到公元前3000年，半坡之後
馬家窯期，約莫公元前3300年到公元前2000年，響甘肅、青海。
半山期，約莫公元前2700年到公元前2300年，馬家窯之後
馬廠期，約莫公元前2400年到公元前2000年