陸克文（Kevin Michael Rudd，1957年9月21號—）係澳洲而家個工黨領袖。
渠出身清寒人家，原先入讀布里斯本天主教嘅Ashgrove Marist修士男校，收尾轉學去官立嘅Nambour中學，1974年中學畢咗業，成績標青，得到全年級第一，兼得DUX榮銜。之後入咗堪培拉澳洲國立大學嘅中國歷史及同埋中國文學部，畢業嗰陣摞到一級榮譽學士。響大學時，渠仲同自己改咗個中文名叫──「陸克文」。
1981年大學畢咗業，陸克文入澳洲外交部，被派咗去瑞典斯德哥爾摩，1984年轉派北京，專門分析中國政局同經濟發展。1988年渠升到外交部助理次官。1995年渠又出任畢馬威會計師事務所(KPMG)嘅中國事務顧問，至1998年，渠返澳洲參政，擊敗個自由黨嘅當席議員，摞咗布里斯本嘅聯邦議席格里菲思，開始做國會議員，僅做咗一屆，2001年就畀提升入前排做影子外交部長。
2006年12月4號，陸克文響黨內個領導人選舉會議度贏咗堅·比茲利（Kim Beazley），成為本世紀第五任個工黨黨魁，票數係49對39。