亞洲象又叫印度象，係亞洲體型最大嘅陸上哺乳動物，但比非洲象細隻。鼻端有一個手指狀突起，象公冇象牙，即使係象公亦有一半無象牙或者象牙好細，耳仔比較細、較圓，前腳有 5 隻腳趾，後腳有 4 隻腳趾，共有 19 對肋骨（其中蘇門答臘象有 20 對，但比非洲象少一對），頭骨有兩個突起，背脊拱起。性情溫和，比較容易馴服。響野外，老虎，豹同人類係亞洲象嘅主要敵人。

用途
亞洲象響古代中國唔單止係南方鄰國進貢嘅禮品，皇家多馴養象用於典禮時顯示威儀，甚至用嚟打仗。古時響黃河流域仲係用嚟耕田嘅家畜。響《呂氏春秋》裏面，亦記載咗商王曾經騎象攻打東夷部族。古時亦有「曹植稱象」嘅故仔。
響泰國，象係國家象徵。泰國好多府的府徵都有象嘅圖案。相傳白象為古時泰北嘅蘭納泰王朝帶嚟幸運，自此成為泰國嘅國寶。泰國皇室勳章最高級嘅係皇家白象勳章。因為2006年從2月到7月大象的數目增長三倍有多，而家喺泰國主要用象嚟當車咁出租。
喺香港，雖然重未發現過亞洲象嘅化石，但學者估計，后海灣沼澤森林同吐露港一帶附近亦曾經出現過。因為廣東、廣西一帶響 17 世紀初（明朝末年）仍然有亞洲象，果時軍隊中仲有一隊用嚟做運輸同騎嘅大象。
大象天奴係昔日荔園動物園所飼養嘅亞洲象，可惜響1989年2月染急性肺炎而被人道毀滅。其後亦有兩次有大象從泰國運港作短期展出。而1975年嗰時，據講泰國有一個馬戲團來過香港表演，但反應欠理想，於是將 9 隻大象寄居荔園，仲要籌錢將果班大象送返泰國。