如果係講死人，請睇屍。
鹹魚係用鹽醃同埋曬乾嘅魚，係一種漁民發明嘅食物，可以長期保存。以前糧食唔係咁豐富，漁民唔係時時都有好收穫，要望天打掛，亦都無雪櫃呢類設備。因為咁，漁民如果捉多咗嘅魚就會整鹹魚，留返無嘢食嗰陣時拎出來食。
以前鹹魚係窮人食，所以餐餐鹹魚送飯就係窮嘅象徵。不過慢慢鹹魚就多人識，所以就畀人拎來做名貴菜色。有啲鹹魚甚至變到好貴。
1980年代起，就有唔少醫學研究都講鹹魚同鼻煙癌有關，因為佢有致癌嘅亞硝胺。而廣東人食得多鹹魚，所以有鼻煙癌嘅人比其他地方多好多。因為呢個緣故，家下多咗人避忌呢種食物。