法國話(français)，或者叫法語，（寫嘅文叫法文），係羅曼語族裏面，以講嘅人數來講，排第三，有成一萬二千萬人可以講到好流利，另有一萬五千萬人識講。佢排響西班牙話同葡萄牙話後面，係29國嘅法定語言。。
法國話係好多國際機構嘅官方語言。好似歐盟、國際奧林匹克委員會、世界貿易組識、北大西洋公約組織、國際足協、聯合國、萬國郵政聯盟、國際刑警等等。法國語嘅地位，響十八世紀同十九世紀係高峰期，係國際間用嘅語言。之後就畀後起嘅英文取代，雖然係咁，法國話仍然有佢獨特嘅地位。