豹（學名：Panthera pardus），個樣好似老虎但係細啲，係中大型貓科動物。肩高度大約0.9米，體長度約一米，體重 50千克。單係尾長就有 60厘米。豹嘅顏色鮮艷，有好多斑點同金黃色嘅毛皮，所以又叫做金錢豹。

棲息環境
豹可以話係完美嘅「獵人」，矯健身材，靈活，奔跑時速可達120公里，既會游泳，又會爬樹，性情機敏，嗅覺聽覺視覺都好好，智力超常，隱藏能力高，呢啲都係老虎獅子都辦唔到嘅，牠亦係少數可適應唔同生境嘅貓科動物。
豹係機會主義者，佢嘅獵物主要有鹿、羚羊同野豬，但亦會捕獵靈貓、馬騮、雀鳥、齧齒動物、昆蟲等，甚至腐肉，要視乎獵物產地而定。喺獵物缺乏嗰陣，佢亦會捕獵家畜（甚至狗肉！），因而發生人豹之間嘅衝突。同一般貓科動物一樣，豹會喺密林嘅掩護下，靜靜接近獵物，然後嚟一個突襲，攻擊獵物嘅頸部或口鼻部，令佢窒息。根據《奇妙的動物世界》一書記載，豹捕捉到鹿後，會先將佢拖到灌木叢內再食，主要先食肝臟同心臟，然後再食鹿肉。豹亦會將吃剩部分拖上樹度收埋，以免畀其他食腐動物搶走。
非洲品種通常將獵物拖上樹開餐，以防獅子或鬣狗等食肉動物來搶。喺食物鏈上，豹處於「次等捕獵者」嘅位置，這亦都意味著豹同時係老虎同獅子嘅獵物。

習性同食性
同其他豹屬一樣，豹嘅交配行為都帶有攻擊性，雄豹生殖器官上有倒剌，雖然可刺激雌豹排卵，但亦可能令雌豹疼痛。就算係咁，響為期一週嘅發情期內，佢哋會不停咁進行交配，之後先至分開。
3至4月份交配，6至7月份生仔，每胎3至4隻。7歲喥性成熟。

繁殖
豹係貓科動物中第四最大嘅，僅次於老虎、獅子同美洲豹，但豹嘅分布範圍比其他貓科大，主要響亞洲、非洲等地，從西非到蘇門答臘，華北至華南也有豹嘅蹤影。史前時期響歐洲都有豹嘅蹤跡。
以前香港亦都有豹出現，係喺1931年既事。根據艾思滔所著嘅《山水有情：探遊香港郊野》一書記載，1931年12月20日，當時有隻豹踩到獵人原本用嚟捉其他獵物嘅捕獸器，最後被人開槍打死，豹肉豹皮豹骨亦都被村民分嚟賣添！

亞種
係豹嘅黑色變種，喺陽光照射底下，可以見到黑色毛下有斑紋。主要原產非洲同東南亞。香港以前嘅荔園動物園都養過黑豹。

黑豹
估計全世界大概只剩番 2000 萬隻，但而家冇確實數據。

瀕危因素
而家豹已被列為中國一級受保護野生動物，唔可以捕殺。