香港島，簡稱港島，面積 78 平方千米，係香港主要嘅島，亦係香港第二大島。島北嘅域多利城（又叫做女皇城或維多利亞城，英文名稱Victoria）係英國殖民香港最早發展嘅地方，一直係香港嘅商業">商業同政治中心。來香港嘅英國人同移居香港嘅華人，最初就係住響呢個城。香港島同九龍半島之間隔住個維多利亞港，個港係以前進出香港嘅貿易船隻停泊嘅港口。島上面最高嘅山係太平山，海拔554米。

地理
2000年，香港島嘅人口有1,367,900人，約佔全香港人口嘅19%。人口密度每平方公里18,000，高過整體密度（7,000/km²）；加上九龍嘅人口共佔全港人口嘅47%。