主敎(Bishop)係高級嘅神職人員。主敎英文Bishop呢個詞源自希臘文「episkopos」，即「epi 由上往下」及「skopos 觀察者」，意為「監督」(overseer)。依據早期敎會嘅傳統，祝聖主敎即係代表授予聖職聖事嘅圓滿性。主敎即係藉著聖神受祝聖為敎會裏面嘅牧人同管理者，亦係敎義嘅導師同聖職敬禮嘅司祭。喺一般基督宗敎主流教會，就係指耶穌基督派遣宗徒繼續實行佢嘅使命，到了第一世紀末、第二世紀初就形成咗主敎嘅制度。

天主敎會
主敎係天主敎會嘅高級聖職人員，由敎宗任命。
輔理主敎 (英文auxiliary bishop) ，指冇繼承權而輔佐敎區主教嘅主敎。
助理主敎 (英文coadjutor bishop) ，指有繼承權而輔佐敎區主敎嘅主敎。
資料來源：台灣光啟出版社出版‧輔仁神大學神學院‧神學著作編譯會主編之《外語漢語神學詞語彙編》。