大象天奴，係荔園動物園裏面嘅「鎮園之寶」，係一隻雄性嘅亞洲象，佢喺1952年隨同沈常福馬戲團由緬甸嚟到香港表演，之後再運到荔園動物園長住，一直生活喺面積只有幾百平方呎嘅獸籠入面，過住跪地討食嘅辛酸生活。響1989年2月3號因為染上急性肺炎而被人道毀滅，後嚟被運去將軍澳垃圾堆填區埋葬。呢點已成為1950年代至1970年代香港人嘅重要嘅集體回憶之一。
響動物園裏面，就只有揚子鱷「亞細」，係同佢同年入園。
據資料顯示，大象「天奴」每日食2餐，分量大約有200斤，包括草、生果、飯等。每日大約花100蚊港幣去養佢。而全盛時期，賣生果嘅小販，每月可賺2、3千蚊港幣。