江湖係一種中國民間社會，多數講係遠離官方嘅民間組織同勢力，有自己一套規舉，有時甚至莫視法律。江湖有說起源自周圍去賣藝、賣武技人，成日經水路來往各個江湖。因為到處維生，唔容易畀官府管，後尾產生武俠、武林、黑社會嘅意思。古代中國雖然係中央集權制，但係地方治安好多時都係靠民間組織自保，所以有江湖發展嘅空間。

概念
江湖照字面睇係「江川」同「湖泊」嘅合稱，裡面匯合咗來自唔同地方嘅水，當水入咗江、湖之後，不論流向、遭遇都冇人會知道；有可能被人挑咗去種田，有可能俾動物飲用，俾植物吸取咗，又可能會被蒸發變成水蒸氣消失喺江、湖中……。
將哩個概念引申出嚟，將江湖比喻為一個群體小社會，而擁有相同或類似目標嘅人就好似江湖中嘅好多好多滴水，不斷喺個小社會裡面打滾，為喺哩個空間生存而迎接一切嘅挑戰，冇人會知道當自己入咗江湖之後會遇到咩遭遇，亦唔知有咩後果，會闖出名堂？定係寂寂無聞而無聲引退……？
所以一路以嚟都有好多唔同嘅句子詞語同江湖有關，好似：
……等等。

「名震江湖」：即係喺一個領域裡面打出名堂，個大名全天下人都聽過；
「江湖路險」：即係話個領域危機四伏，要力爭上游係會遇到好多危險；
「血染江湖」：顧名思義即係喺個領域裡面中咗招；
「江湖不歸路」、「人在江湖，身不由己」：有好多領域唔係話可以話唔玩就唔玩，入咗去就冇得返轉頭；又或者有時有啲嘢係好想做，或者好想退出，但係身邊嘅嘢令到自己唔可以話想點就點，冇選擇餘地。