冰島克朗係冰島嘅官方貨幣，佢嘅原名係Króna（單數）或krónur（複數），喺冰島語入面係「皇冠」嘅意思。雖然發音拼法各有小差異，但係「克朗」係所有北歐國家共同使用嘅貨幣單位，佢嘅ISO 4217代碼為ISK。

歷史
冰島克朗嘅出現最早係喺第一次世界大戰，由於冰島從丹麥王國之中分離獨立（1918年），斯堪的納維亞貨幣同盟解散，冰島就喺原本嘅斯堪的納維亞克朗中分裂出嚟。1961年之後流通嘅冰島克朗，都係由銀行">冰島中央銀行（Seðlabanki Íslands）負責管理。
1980年，冰島進行貨幣改革並且重新對冰島克朗定價，規定每100舊冰島克朗等於1新冰島克朗。雖然喺定義上，每1克朗等於100冰島分（單數：eyrir，複數：aurar），但係事實上當局並冇發行過面值低過1克朗嘅任何貨幣，因此冰島分係一種冇實用化嘅貨幣單位。