呢篇文將香港語文定義成香港成日可以見到嘅語言同埋文字。而家香港嘅法定語文（唔叫做「官方語言」）係中文同埋英文">英文，而政府嘅語文政策係「兩文三語」，即書面上使用中文嘅白話文同埋英文、口語上使用嘅廣州話（俗稱廣東話或粵語）、普通話同埋英語。香港華裔人口中主要用廣東話，而唔係華裔人口就多數用英語。香港大部份居民都唔係本地原居民，由中國大陸、以至世界各地搬入黎嘅人，都會將自己鄉下嘅語言帶到香港。另外香港文化亦都受世界各地嘅潮流影響到。因此，響香港所聽到所睇到嘅語文唔單止廣東話同埋英語咁少。